[ ثَألَلَهْ ]
:
جَسدْ مُنهَك ..
وصلْ حدّ احتضار و عاش !
وصل حدّ انهيار و طاشْ !
:
تهجّى بالقْدِر حَتْفه
ــــــــــ كثيره منْه يتهجّى
لأنّه ما لقى لكتْفه
ــــــــــ سَنَدْ إلاّ ويترجّى
:
جَسَدْ مُنهَك ..
مَلَتْه آلام ما تِنْلَم .. !
تموت آمال فيه بـ لَمْ !
:
حَلم مرّه بـ أم و بِنْت !
ــــــــــ و كان الأقرب اولابه
نفوه بكان قبل الـ كنْت
ــــــــــ مع انّ اولابه اقرابه
:
جَسَدْ مُنْهَك ..
نَحَل حتّى نفاه الحَلْ !
تحلّل ماه فيه لـ وَحل !
:
رقى يوم ارفضتْه الأرض
ــــــــــ سَقَط يوم لفظتْه غيوم
تعلّق بينهم بـ العَرْض
ــــــــــ لأنّ القبر طوله : يوم
*
*
*
*
:
[ هَمّ : هُمْ ]
:
و احتّ الهمّ عن صدري
ـــــــــــــــ و مع همّي تطيح ضلوع
ألاَ ياكبري / بـ صغري
ـــــــــــــــ ألاَ يا قلّي [ المجموع ]
تغدّوا من لحم صبري
ـــــــــــــــ .. و بالآخر تعشّوا جوع
محوني وانكتب عذري
ـــــــــــــــ مع انّ الحبر كان دموع
نهايه و ابتدى عمري
ـــــــــــــــ بدايه وانتهى الموضوع