:
اللي داخل مثل الـ برّا
ـــــــــــ طيّب ليه الباب يكذّب
يعني معقوله ما نقرا
ـــــــــــ .. أو نقرا لمّا نتعذّب !
ـــــــــــــــــــــــــــــ
إطعن مالك ..
سيّح دمّه كلما جالك ..
عيش لحالك ..
قبل الدم يصير [ عيالك ]
ـــــــــــــــــــــــــــــــ
:
تغنّي لين ما شيّبت :
ــــ و شابتْ مثلك الأوتار!
ألا يا كثر ما طيّبت
ــــ صمتك بالمدى الثرثار
إذا ما تكتّف لسانك مثل يدّك فلا تكشف
ــــــ عن المفضوح من قولك عن المفضوح من وجهك
لأنّ لـ ماء وجهك حقّ غيمه قبل ماينشف
ــــــ .. و لأنّ لكلّ [ كلمه من لسانك ] ..وجه يتّجهِك !
ـــــــــــــــــــ
من يوم بدّلنا النوايا
قلّ مانا !
ـــــــــــــــــــــ
بس لحظتها عرفت
انّ التسامح ..
صار يكمّلني : ملامح .
هناك تعليقان (2):
أن تقرأَ الصّورة , يعني أن تقرأكَ الصّورة , كأن تُمسكَ ريشةً و ت رسمَ وجهاً , لا يدركَ أنّهُ يشبهكَ إلّا أنت .
اتعبتْ الجَمال يا قايد
مُبدع وَ متألق
إرسال تعليق